Aysel Sadıqova ilə AVARÁ-da vintaj nostalji günü

İnsanların ən sevdiyi şeylərdən biri də məhz nostalji hisslərini yenidən təcrübə edə bilməkdir. Elə bu səbəbdəndir ki, bir çox insan müasir dünyanın ruhsuz halından qurtulmaq üçün vintage stilə geri qayıtmağa çalışır. Elə 17 oktyabr AVARÁ-da Aysel Sadıqovanın sandığından vintaj geyimlər satışa çıxacaq. Satışa çıxan geyimlər təkcə “satılan adi əşya” deyil, həm də bir imici, xatirələri daşıyan mənəvi dəyər sahibləridir. Bu layihə zamanı sadəcə vintaj geyimlər satılmayacaq, həmçinin musiqi və çay süfrəsi ilə birlikdə bənzərsiz ab-hava yaradılacaq. Əgər siz də bu tədbirin bir parçası olmaq istəyirsinizsə, 17 oktyabr AVARÁ-a 13.00-dan 21.00-a qədər yaxınlaşa bilərsiniz.